JOU KULTUURTUISTE

Die Voortrekkermonument en Natuurreservaat is meer as net ’n erfenisbewaringsterrein.

Dit is die kultuurtuiste van die Afrikaner waar almal welkom is. Dit is ’n baken van hoop wat uit enige rigting van Pretoria gesien kan word. Dit is ’n plek van ontspanning.

Die Voortrekkermonument bied aan die publiek die geleentheid om meer te leer oor die Afrikaner se merkwaardige storie van geloof, heldemoed, deursettingsvermoë en ’n toekomsvisie om vandag te kan wees waar ons is.

Hoekom is die Voortrekkermonument opgerig? Wat is die simboliek agter elke element en vertrek waaruit hierdie weldeurdagte kunswerk bestaan?

Wat is die geskiedenis agter elkeen van die ander besienswaardighede wat óók te sien is op die terrein?

Bring jou gesin, vriende of skoolgroep en kom delf dieper om antwoorde op ál hierdie vrae te kry!

Behalwe vir die ryk geskiedenis, is die Voortrekkermonument ook die plek waar jy jou Afrikanerkultuur kan uitleef!

Híér kan jy kom piekniek hou, perdry, braai, draf, stap, fietsry, koffie drink en tradisionele Boerekos geniet!

Kom maak vandág nog ’n draai by die Afrikanerkultuurtuiste en ontdek jóú erfenis soos nog nooit tevore!