Die opvoering word slegs in Afrikaans aangebied.

Die Museumteater is rolstoelvriendelik.

Slegs 10 persone kan per tydgleuf geakkommodeer word.

Vertonings duur 90 minute.

Elke “toekomsbouer” wat die vertoning bywoon, sal ’n bywoningsertifikaat ontvang. Voltooi dus asseblief alle besonderhede volledig tydens die inboekproses.

Betalings vir die vertonings moet ten minste twee dae (48 uur) voor die tyd deur middel van ’n EFT gedoen word. Stuur asseblief die bewys van betaling aan vtmbetalings@kultuurtuiste.org.za en onthou om jou kaartjie en die bewys van betaling saam te bring.

Betalings vir vertonings wat op ’n naweek val, moet voor die Vrydag om 12:00 aan vtmbetalings@kultuurtuiste.org.za gestuur word.

Besprekings wat verkeerdelik gemaak is, sal nie terugbetaal word nie. U kan egter ’n e-posboodskap aan besprekings@kultuurtuiste.org.za stuur om die datum en/of tydgleuf te verander.

Meld asseblief 15 minute voor die vertoning by die ontvangsarea aan.

Geen kos of drank word tydens die vertoning toegelaat nie.

Skakel asseblief alle selfone af voor die vertoning begin. Geen kameras word toegelaat nie.

Besoekers mag nie tydens die opvoering met die toneelspelers kommunikeer nie, tensy daar met jou gekommunikeer word.