TOEKOMSBOU MUSEUMTEATER

“Ek kry ’n klein klein beiteltjie, ek tik hom en hy klink; toe slyp ek en ek slyp hom totdat hy klink en blink.”

Die Afrikaner gebruik sy beitel om ’n toekoms vir die nageslag oop te kap! Kom ervaar dié verhaal van die Afrikaner van 1902 tot vandag, oor 120 jaar in twaalf tonele, in ons pragtige Toekomsbou Museumteater.

Dit is ’n verhaal van swaarkry, geloof, toekomsbou en hoop.

Bespreek jou plek hier of stuur ‘n e-pos aan [email protected]

ALGEMENE INLIGTING

  • Die opvoering word slegs in Afrikaans aangebied.

  • Die Museumteater is rolstoelvriendelik.

  • Slegs 10 persone kan per tydgleuf geakkommodeer word.

  • Vertonings duur 90 minute.

  • Elke “toekomsbouer” wat die vertoning bywoon, sal ’n bywoningsertifikaat ontvang. Voltooi dus asseblief alle besonderhede volledig tydens die inboekproses.

TEATER-REËLS

  • Betalings vir die vertonings moet ten minste twee dae (48 uur) voor die tyd deur middel van ’n EFT gedoen word. Stuur asseblief die bewys van betaling aan [email protected] en onthou om jou kaartjie en die bewys van betaling saam te bring.

  • Betalings vir vertonings wat op ’n naweek val, moet voor die Vrydag om 12:00 aan [email protected] gestuur word.

  • Besprekings wat verkeerdelik gemaak is, sal nie terugbetaal word nie. U kan egter ’n e-posboodskap aan [email protected] stuur om die datum en/of tydgleuf te verander.

  • Meld asseblief 15 minute voor die vertoning by die ontvangsarea aan.

  • Geen kos of drank word tydens die vertoning toegelaat nie.

  • Skakel asseblief alle selfone af voor die vertoning begin. Geen kameras word toegelaat nie.

  • Besoekers mag nie tydens die opvoering met die toneelspelers kommunikeer nie, tensy daar met jou gekommunikeer word.

TYDGLEUWE EN TARIEWE

TYDGLEUWE

  • Dinsdae, Woensdae en Donderdae: 10:00 en 14:00
  • Vrydae: 10:00, 14:00 en 16:00
  • Saterdae: 09:00, 11:00 en 14:00

TARIEWE

  • Volwassenes: R160 per persoon
  • Kinders/Pensioenarisse: R110 per persoon
  • Parkering: R20 per voertuig

“… die donker naat loop deur my land en kloof hom wortel toe – só moet ’n beitel slaan wat beitel is, of hoé?” – NP van Wyk Louw