Hoekom het die monument donasies nodig?
Te midde van die Covid-19-pandemie, is die Voortrekkermonument onder geweldige finansiële druk geplaas met die toerismebedryf wat op sy knieë gedwing is. Die Voortrekkermonument is ’n erfenisbewaringsterrein wat nie ‘n sent van die regering ontvang nie. Ons is dus afhanklik van ons eie mense om ons in staat te stel om ons ryk kultuur en erfenis te kan bewaar en uitbou, en as wêreldklas toeriste-aantreklikheid ons deure te kan oophou vir die publiek.

Hoe word die geld aangewend?
Geld wat aan die monument geskenk word, word gebruik om al die besienswaardighede, aktiwiteite en fasiliteite op die terrein in stand te hou, en nuwe projekte te loods wat bydra tot die bewaring en uitbou van ons wonderlike kultuurerfenis.

Hoe kan ek betrokke raak?
Klik gerus op die onderstaande skakel, waarna jy na die Payfast-platform herlei sal word. Alle donasies wat deur hierdie platform geskied word direk aan die Voortrekkermonument betaal. Payfast is veilig en jou bankbesonderhede word nie gestoor nie.