Die Voortrekkermonument voer ’n oorlewingstryd weens swak dienslewering, hemelhoë munisipale rekenings en nie ’n sent staatshulp nie.

Soos ons voorgeslagte met hul eie sente monumentale infrastruktuur opgerig het, het ons jou nóú nodig om die Monument se voortbestaan te verseker; om staats- en toekomsbestand te word. Benewens die oprigting van ’n veiligheidsheining om die Monumentterrein en Natuurreservaat van sowat 360 ha, is ’n enorme brandpunt die nagenoeg R7 miljoen wat benodig word om ’n sonkragstelsel te installeer.  

Dra vandag nog (elke bietjie maak baie!) by tot ons Gee ons krag-projek. Jy kan enige bedrag onder invoeg. Dit is jou en my verantwoordelikheid én voorreg om te keer dat net foto’s en vae herinnerings van ons erfenis oorbly.